Ministri i Drejtësisë i Malit të Zi, Marko Kovaç, ka refuzuar kërkesën e Kosovës që ta ekstradoi shtetasin serb Momçilo Vukotiq, i akuzuar për krime lufte kundër popullatës civile. Vukotiq ishte arrestuar në Mal të Zi dhe ndodhet në paraburgim për ekstradim.
Ministri malazias refuzon ta ekstradojë në Kosovë serbin e akuzuar për krime lufte
Ministri i Drejtësisë i Malit të Zi, Marko Kovaç, ka refuzuar kërkesën e Kosovës që ta ekstradoi shtetasin serb Momçilo Vukotiq, i akuzuar për krime lufte kundër popullatës civile. Vukotiq ishte arrestuar në Mal të Zi dhe ndodhet në paraburgim për ekstradim.
Radio Televizioni i Malit të Zi ka raportuar se ministri i Drejtësisë ka marrë vendim që të mos e ekstradoj 61-vjeçarin.
Sipas këtij mediumi, gjykata kishte konstatuar se plotësoheshin kushtet ligjore për ekstradim, por ministri i Malit të Zi, Kovaç e refuzoi kërkesën. Siç raportohet sai beson se është shkelur neni 3 i Konventës Evropiane për të Drejtat e Njeriut dhe Liritë Themelore.
“Në vendimin e Prokurorisë Speciale të Kosovës për fillimin e hetimeve, nuk thuhet se cilat veprime ka kryer Vukotiq, të cilat janë pjesë e veprave penale, por vetëm thuhet se pas 24 vjetësh është paraqitur një dëshmitar i cili e njohu foton e tij në një album”, kanë thënë për “RTCG” burime nga Ministria e Drejtësisë së Malit të Zi.
Të njëjtat burime kanë thënë se nuk është rasti i vetëm që Kosova kërkon ekstradimin e një shtetasi serb të dyshuar për krime lufte.
Vukotiq u arrestua në Mal të Zi nën dyshimet se kishte kryer krime lufte në Kosovë në vitin 1999, në territorin e Pejës. Ai ishte dërguar në paraburgim në pritje të ekstradimit./rtk
Arrihet marrëveshja mes Real Madridit dhe Alexander-Arnold
Biden, Harris thonë se vdekja e udhëheqësit të Hamasit mund ...
Prokuroria në Pejë organizon punëtori mbi dhunën në familje ...
Përmbytje dhe stuhi në rajonin verior të Italisë
Kryetari Rama sot përuron institucionin parashkollor “Xixëll...
Parashikimi i motit në Shqipëri