Kryetari i Kuvendit të Republikës së Kosovës, Glauk Konjufca, ka pritur sot në takim zëvendëspresidentin e Institutit Republikan Ndërkombëtar, Scott Mastic, me bashkëpunëtorë.
Në takim u diskutua për rolin e rëndësishëm që kjo organizatë luan në afirmimin dhe zhvillimin e demokracisë në botë, përcjell Arbresh.info.
Konjufca vlerësoi lart kontributin e IRI në më shumë se 100 vende të veprimtarisë së tij, në forcimin e shoqërisë civile, demokratizimin e partive politike, përfshirjen në vendimmarrje të komuniteteve të margjinalizuara, si dhe në fusha të tjera të rëndësishme për qeverisjen demokratike.
Në kuadër të kësaj veprimtarie globale kryetari Konjufca falënderoi Mastic për angazhimin e madh të Institutit Republikan Ndërkombëtar në forcimin e demokracisë në Kosovë, si dhe përfshirjen sa më të madhe të grave, të rinjve dhe komuniteteve të ndryshme në politika publike dhe vendimmarrje.
Zëvendëspresidenti Scott Mastic ndau përshtypjet e tij mbi zhvillimin e demokracisë në Kosovë dhe konfirmoi mbështetjen e Institutit ku ai bën pjesë për proceset politike dhe qeverisjen demokratike në Kosovë./Arbresh.info/
BQK dhe BERZH nënshkruajnë memorandum mirëkuptimi lidhur me ...
Saipi pjesë e formacionit të javës në Ligën e Konferencës
Fituesja iraniane e Nobelit Narges Mohammadi dënohet me gjas...
Veliaj zëvendëson 12 drejtues të Bashkisë së Tiranës, ndrysh...
Vrasja e një polici në Bosnje cilësohet si terrorizëm
PKK merr përgjegjësinë për sulmin terrorist në Turqi