Google ADS

10 muaj pezullim për Sandro Tonalin për përfshirje në baste të jashtëligjshme

12:50 | 25 Tetor 2023
D.H

Sandro Tonali ishte një nga futbollistët e përfshirë në skandalin e basteve në Itali. Ashtu si Fagioli e Zaniolo, mesfushori kishte hapur një llogari në platforma të jashtëligjshme ku vendoste baste për ndeshjet e futbollit, madje edhe në sfidat ku luanin ish-skuadrat e tij si Milani apo Brescia.

Së fundmi, mediat italiane zbulojnë edhe masën e dënimit që e pret lojtarin që aktualisht është pjesë e Newcastle.

Tonali pritet të suspendohet për 10 muaj nga futbolli dhe në këtë formë humbet pjesën e mbetur të sezonit si dhe Europianin që zhvillohet në Gjermani.

Nga ana tjetër, për tetë muaj, mesfushori do të jetë i detyruar të ndjekë një plan rehabilitimi për varësinë ndaj bixhozit.

Ky suspendim pritet që shumë shpejt të zyrtarizohet edhe nga ana e Federatës Italiane të Futbollit./ss

Shpërndaje në rrjete sociale

Lajmet më të lexuara

Të ngjashme

Foto lajm