Ministri i Mbrojtjes, Ejup Maqedonci ka riguar pas aksidentit rrugor ku mbeti i vdekur një pjesëtar i KFOR-it.

Maqendonci shprehi ngushëllime familjes dhe gjithë ushtarakëve të KFOR-it.

“Gjatë ditës së djeshme në një aksident rrugor humbi jetën tragjikisht pjesëtari i KFOR-it italian, Claudio Caddedu. Me dhimbje të madhe shprehi ngushëllimet e mija familjes Caddedu, ministrit Crosetto dhe gjithë ushtarakëve të KFOR-it të cilët humbën pjesëtarin e tyre. Lavdi”, shkruan ai.

Ndryshe dje KFOR-i, ka konfirmuar se viktima e aksidentit në rrugën Prishtinë – Pejë është një ushtar italian.

Sipas njoftimit, fillimisht ushtari në gjendje të rëndë u transportua me helikopter drejt Spitalit Amerikan në Prishtinë, ndërsa rreth orës 16:50 i njëjti ka ndërruar jetë.

“Në makinën e përfshirë në aksident ndodhej edhe një ushtar tjetër, i cili me ambulancë u transportua në spital me një gjendje më të qëndrueshme në “Cam Villago Italia” dhe më pas u dërgua në spitalin ushtarak në Camp Film City për kontrolle të mëtejshme”, thuhet në njoftim, transmeton Arbresh.info.

Policia e Kosovës sot ka dhënë detaje rreth një aksidenti me fatalitet që ka ndodhur dje në rrugën Pejë-Prishtinë, ku ka mbetur i vdekur një ushtar i KFOR-it.

Sipas Policisë, personi që dyshohet se e shkaktoi aksidentin pas tretmanit mjekësor i është caktuar masa e paraburgimit prej 48 orësh, shkruan Arbresh.info.

Ndryshe, në aksident janë përfshirë dy vetura ndërsa kanë mbetur të lënduar tre persona.

LEXO EDHE:

Policia jep detaje rreth aksidentit në Pejë ku humbi jetën një ushtar i KFOR-it