Presidentja e Kosovës, Vjosa Osmani ka reaguar pas sulmit në një spital në Gaza i cili mori jetën e qindra njerëzve, në mesin e tyre edhe gra dhe fëmijë.
Me anë të një postimi në X, Osmani tha se jetët e pafajshme duhet të mbrohen, shkruan Arbresh.info.
“Është shkatërruese të shohësh pasojat në jetë njerëzore me qindra viktima civile pas bombardimit të një spitali në Gaza, duke përfshirë gra dhe fëmijë. Jetët e pafajshme duhet të mbrohen.”, shkroi Osmani.
“Fatkeqësisht, janë civilët ata që vuajnë më shumë në çdo konflikt”, përfundoi presidentja.
It’s devastating to see the consequences in human lives with hundreds of civilian casualties following the bombing of a hospital in Gaza, including women & children.
Innocent lives must be protected. Unfortunately, it is the civilians who always suffer the most in any conflict.
— Vjosa Osmani (@VjosaOsmaniPRKS) October 18, 2023
Ministria e Shëndetësisë e Gazës tha të martën se Ushtria e Izraelit e ka bombarduar një spital në Qytetin e Gazës, i cili ishte i mbushur me të plagosur dhe me palestinezë të tjerë që po kërkonin strehim, duke i vrarë qindra prej tyre, raporton Associated Press (AP).
Nëse konfirmohet, atëherë ky do të jetë sulmi dukshëm më vdekjeprurës ajror nga Izraeli në pesë luftërat e deritanishme mes Izraelit dhe Hamasit që nga viti 2008.
Në fotografitë e publikuara në rrjetet sociale shihet zjarr i madh në dhomat e Spitalit al-Ahli, xhama të thyer dhe copa të trupave të njerëzve nëpër zonë.
Ministria tha se të paktën 500 persona janë vrarë./Arbresh.info/
Lexo edhe:
Raportohet për mbi 500 të vrarë nga një sulm izraelit në një spital në Gazë
Muharrem Jashari asiston në ndeshjen e Cherkasyt
Shpërthim me lëndë plasëse në portën e banesës të 32 vjeçari...
Kamala Harris sheh “rritje historike” – sondazhet e NBC dhe ...
Tensionet Izrael-Hezbollah/ Biden: Po bëjmë çdo gjë për të p...
Rama në OKB: Urdhri Bektashi, qendër tolerance
Turbulencat në ajër? 10 gjëra që duhet të dini për një udhët...