Google ADS

Lëndohet kapiteni i Juventusit pritet të humbas sfida të rëndësishme

14:19 | 17 Tetor 2023
D.H

Pauza e kombëtareve sjell gjithnjë shqetësime fizike te futbollistët, probleme që më pas i vuajnë klubet.

Kështu ndodhi edhe në skuadrën e Juventusit, aty ku Danilo pësoi një dëmtim në sfidën e Brazilit me Venezuelën.

Raportimet e para ishin shqetësuese për kapitenin e bardhezinjve, megjithatë së fundmi flitet për një lëndim prej 20 ditësh.

Kështu, trajneri Massimiliano Allegri nuk do të ketë në dispozicion një nga lojtarët e tij shumë të rëndësishëm për ndeshjet me Milanin, Veronën, Fiorentinën dhe Cagliarin. Në fakt, për sfidën me sardët, Danilo edhe mund të rikuperojë.

Megjithatë, stafi mjekësor i “Zonjës së Vjetër” nuk e ka ndërmend ta rrezikojë 32-vjeçarin, edhe për shkak se trajneri Allegri kërkon ta ketë me patjetër në organikë për ndeshjen me Interin më datë 26 nëntor.

Kështu, Danilo do të humbasë grumbullimin e radhës me kombëtaren “Selecao” e pritet të rikthehet në fushë plotësisht i riaftësuar në fundin e muajit nëntor./ss

Shpërndaje në rrjete sociale

Lajmet më të lexuara

Të ngjashme

Foto lajm