Mohamed Salah është njëri ndër mes shumë lojtarëve që pritet të bëjë një lëvizje gjatë afatit kalimtar dimëror në janar.

Sulmuesi egjiptian është përfolur se do të vazhdojë karrierën e tij në ligën arabe, ndërsa skuadra angleze tanimë ka gjetur zëvendësuesin e tij, shkruan Arbresh.info.

Mediat e huaja kohëve të fundit kanë raportuar se skuadra Al-Ittihad janë në gjendje t’i ofrojnë plotë 150 milionë funte për kartonin e “Mbretit Egjiptian”.

Mediumi anglez, “TheMirror” ka raportuar se tanimë Liverpooli ka gjetur zëvendësuesin e Salah-s dhe ai është Leroy Sane.

Ish-lojtari i Manchester Cityt i cili tanimë luan në Bundesliga për Bayern Munich, mund të rikthehet përsëri në ligën angleze.

“TalkSport” ka shkruar se Jurgen Klopp është një admirues i madh i gjermanit dhe e dëshiron atë në skuadër.

Vlera aktuale e Mohamed Salah në treg është 65 milionë euro, mirëpo kjo shifër pritet të dyfishohet nga “sheikët arab”.

“Faraoni” është paraqitur në 226 ndeshje me fanellën e Liverpoolit që nga sezoni 2017/18 e deri më tani, duke shënuar 142 gola dhe duke krijuar 66 asistime.

Pritet që ditëve në vijim të ketë lëvizja nga ana e lojtarit, gjithashtu edhe të skuadrës angleze. /Arbresh.info/