Google ADS

Angli-Itali, kryendeshja e natës së sotme në kualifikimet e “Euro 2024”

13:12 | 17 Tetor 2023
D.H

Dy finalistët e kampionatit Evropian “Euro 2020”, Anglia dhe Italia takohen sonte për të luajtur ndeshjen e radhës, në kuadër të kualifikimeve për “Euro 2024”.

Kjo njëhereshit është edhe kryendeshja e sotme në këtë kampanjë dhe fillon nga ora 20:45, shkruan Arbresh.info.

Italia udhëton në “Wembley”, për të arkëtuar tre pikët e plota, ndërsa Anglia gjithashtu kërkon fitoren për të siguruar edhe matematikisht Evropianin e vitit të ardhshëm.

Kujtojmë se ndeshjen e parë në Itali, e fituan anglezët me rezultat 2-1.

Anglia është kryesuese e grupit C, me 13 pikë teksa Italia dhe Ukraina kanë nga 10 pikë në vendin e dytë përkatësisht tretë.

Maqedonia është e katërta me 7 pikë ndërsa në vendin e fundit është Malta pa pikë.

Këtë ndeshje do ta drejtojë gjyqtari francez, Clement Turpin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm