Dardanët mesazh për kombëtaren e Shqipërisë

13:58 | 12 Tetor 2023
D.H

Tifogrupi i Kombëtares së Kosovës, Dardanët, kanë një mesazh për Kombëtaren e Shqipërisë para ndeshjes, ndaj Republikës Çeke në kuadër të kualifikimeve për “Euro 2024”.

Dardanët dalin në përkrahje të kuqezinjëve për ndeshjen vendimtare, shkruan Arbresh.info.

“Kuqezinjtë e Sylvinhos do ta kenë vëmendjen tonë me patjetër. Ne do të jemi sy e vesh kah Tirana. Lutemi për triumf e hapje të rrugës për evropianin e dytë në histori. Hajde Shqipëri!” , kanë shkruar në faqen e tyre zyrtare në Facebook, Dardanët.

Shqipëria sot luan një ndër sfidat më të rëndësishme të kësaj kampanje, ku me një fitore do të ishte një hap larg Evropianit.

Sfida luhet në ora 20:45 në “Air Albania”, në Tiranë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm