Vermeeren në radarin e Barcelonës

11:19 | 10 Tetor 2023
D.H

Arthur Vermeeren është bërë objektivi kryesor i Barcelonës për repartin e mesfushës.

Mesfushori i talentuar belg ka dy vite që shkëlqen me Royal Antrwerp dhe ka zgjuar interesimin e top klubeve evropiane.

Megjithatë Barcelona është një hap para për të siguruar shërbimet e talentit belg, pasi tanimë është takuar me drejtuesit e Antwerpit.

18-vjeçari po shkëlqen edhe këtë edicion ku në 15 ndeshjet e para ka realizuar një gol dhe ka asistuar në pesë të tjerë.

Drejtori sportiv i Barcelonës, Deco e pëlqen shumë futbollistin dhe ashtu edhe trajneri Xavi.

Barcelona është e gatshme të ofrojë 20 milionë euro për transferimin e belgut të ri.

Gjiganti katalunas pritet të zhvillojë bisedime të reja me drejtuesit e Antwerp në momentin që do të takohen për ndeshjen kthyese të Ligës së Kampionëve, pasi dëshira e lojtarit është të transferohet te Barça. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm