Google ADS

Federata izraelite e futbollit kërkesë UEFA-s për shtyerjen e ndeshjes ndaj Kosovës

13:41 | 9 Tetor 2023
D.H

Ndeshja Kosovë-Izrael do të shtyhet, me vendimin zyrtar që pritet të bëhet publik ditën e sotme.

Mediet izraelite raportojnë se Federata e Futbollit të Izraelit i ka bërë një kërkesë zyrtare UEFA-s për shtyrjen e këtij takimi, për shkak të konfliktit me Palestinën.

Kjo sfidë ishte planifikuar që të luhej më 15 tetor në Prishtinë, takim i vlefshëm për Grupin I për kualifikueset e EURO 2024.

Federata izraelite po ashtu ka anuluar rezervimin e hotelit në Prishtinë, ku do të akomodohej në prag të ndeshjen me Kosovën, ndërsa për këtë gjë është informuar edhe Federatën e Futbollit të Kosovës (FFK).

Megjithatë federatat respektive ende nuk kanë marrë një konfirmim përfundimtar nga UEFA dhe në rast se vendimi do të jetë për shtyrje të ndeshjes atëherë ndeshja me shumë mundësi do të caktohet të luhet në muajin dhjetor.

Deri në këto momente UEFA ka shtyrë ndeshjen e Izraelit ndaj Zvicrës më 12 tetor në Tel Aviv./ss

Shpërndaje në rrjete sociale

Lajmet më të lexuara

Të ngjashme

Foto lajm