Një shtëpi është përfshirë nga zjarri dje në rrugën “Ali Pasha Gucia” në Mitrovicën e veriut, raporton Policia e Kosovës.

Sipas Policisë, një person është lënduar duke u përpjekur për ta shuar zjarrin.

Njësitë relevante policore dhe zjarrfikësit kanë dal në vendin e ngjarjes ndërsa shkaqet e zjarrit ende nuk dihen.

Shtëpia është djegur tërësisht ndërsa një objekt përcjellës dhe një shtëpi tjetër janë dëmtuar pjesërisht.

Rasti vazhdon të hetohet.

“Rr. Ali Pasha Gucia, Mitrovicë Veri 07.10.2023 – 06:30. Raportohet se në rrethana deri më tani të panjohura është përfshirë nga zjarri një shtëpi. Njësitë relevante policore dhe zjarrfikësit kanë dalur në vendin e ngjarjes, zjarrfikësit kanë lokalizuar zjarrin. Në përpjekje për ta fikur zjarrin një person ka pësuar lëndime, ndërsa si pasoj e zjarrit një shtëpi është djegur tërësisht ndërsa një objekt përcjellës dhe një shtëpi tjetër janë dëmtuar pjesërisht. Rasti vazhdon të hetohet”, thuhet në raportin 24 orësh të Policisë së Kosovës./Arbresh.info