Tentoi të bënte vetëvrasje për shkak të presionit për të paguar fajde, arrestohet fajdexhiu

17:09 | 7 Tetor 2023
E.K

Policia e Kosovës ka njoftuar se ka arrestuar B.D nën dyshimin se i ka dhënë një qytetari të Mitrovicës para me fajde pastaj i ka bërë presion dhe e ka shtyrë në vetëvrasje.

Sipas njoftimit, viktima dje ishte dërguar nga familjarët në emergjencën e Spitalit Rajonal në Mitrovicë, pasi dyshohej se kishte konsumuar tretës kimik (domestos), përcjell Arbresh.info.

Viktima ka pranuar tretmanin mjekësor në emergjencën e spitalit rajonal dhe me pas ishte përcjell në QKUK-Prishtinë për trajtim të mëtejmë ndërsa pas tretmanit mjekësor gjendja e viktimës ishte stabile.

Në konsultim me prokurorin e shtetit, rasti cilësohet si “Shtytja në vetëvrasje” dhe “Fajdeja” të paraparë me Kodin Penal të Kosovës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm