Google ADS

Tahiri: Serbia e përfshirë në sulmin terrorist, duhet hetim ndërkombëtar

19:41 | 29 Shtator 2023
KRG

Shefi i Grupit Parlamentar të AAK-së, Besnik Tahiri, ka ripërsëritur kërkesën për hetim ndërkombëtar për sulmin terrorist në veri të Kosovës.

Tahiri ka shkruar se shteti i Serbisë është drejtpërdrejt i përfshirë në këto sulme të armatosura.

“Deklarata e sotme e Radojçiçit se ai ishte në krye të grupit të armatosur që bëri sulmin terrorist në veri të Kosovës, vërteton se shtetit Serb ishte pjesë e një skenari mirë të përgatitur në nivelet më të larta të Serbisë e të mbështetur nga Rusia. Po ashtu, shpallja ditë zie në Serbi për kriminelët që vranë dhe plagosën policë të Kosovës, është një tjetër dëshmi se shteti i Serbisë është drejpërdrejt i përfshirë në këto sulme të armatosura”, ka shkruar Tahiri.

Ai ka shtuar se për të dalë në pah e vërteta, duhet domosdo hetim ndërkombëtar.

“Një hetim ndërkombëtar është i domosdoshëm për të dalë kjo e vërtetë në pah”, ka përfunduar Tahiri.

Shpërndaje në rrjete sociale

Lajmet më të lexuara

Të ngjashme

Foto lajm