Deputeti i vetëm shqiptar në Parlamentin e Serbisë, Shaip Kamberi ka kërkuar edhe një herë nga presidenti i Serbisë, Aleksander Vuçiq që të heq dorë nga ëndrrat e tij për kolonizimin e Kosovës. Ai ia kujton presidentin serb sintagmën e tij kur ishte bashkëpunëtorë i Millosheviqit: “T’i vrasim 100 për 1”.
Kamberi që është edhe kryetar i partisë më të madhe shqiptare në Luginën e Preshevës – Partisë për Veprim Demokratik, ia kujton edhe një thënë presidentit serb: “Mund të na vrisni të gjithëve, por Kosovën nuk e njohim”.
E Kamberi thotë se këto deklarata janë armiqësore sepse askush nuk dëshiron t’i vras serbët.
“Mjaft me patetizmin tuaj z. president. Mos e frikësoni dhe armiqësoni popullin më kot, sepse askush nuk dëshiron të ju vrasë. Shqiptarët janë për paqe sepse pikërisht ata kanë qenë viktimat më të mëdha të ambicieve kolonialiste të fqinjëve të tyre në shekullin e kaluar. Por ju, është koha e fundit të kthjelloheni nga andrallat tuaja kolonialiste rreth Kosovës”, shkruan Kamberi.
Ambiciet e presidentit serb, sipas tij, janë “njësoj sikurse reklamimi i çmimit të salamit (parizerit)”.
“Ato tashmë po shkaktojnë humbje në jetë njerëzish. Brengosja juaj për serbët e Kosovës është destruktive. Fundja, “do të vrasim 100 për 1” kurrë nuk e ka thënë apo përsëritur një shqiptar. Autorësia e saj ju përket juve”, ka shkruar Kamberi duke iu referuar presidentit serb.
Ndryshe, gjatë viteve ’90, president serb që atëbotë ishte në strukturat e larta të Partisë Radikale Serbe, kishte thënë në Parlamentin e Serbisë, se nëse boshnjakët e vrasin një serb, serbët do t’i vrasin 100 boshnjakë. Kujtojmë se vetëm në Srebrenicë ndodhë gjenocidi më i madh ndaj popullsisë civile ku u vranë më shumë se 8 mijë civilë bonjakë nga ushtria serbe.
E një ditë më parë, deputeti shqiptar në Parlantin e Serbisë foli edhe për Listen Serbe. Ai thotë se është koha që qytetarët serbë të Kosovës të lirohen përfundimisht nga terrori dhe dhuna e terroristëve të dëshmuar tanimë të Listës Srpska./rtk
Stresi reagon sërish me një fotografi nga arratia: Kam vdeku...
Gjendet një bombë e Luftës së Dytë Botërore në Çeki, evakuoh...
SHBA godet objektivat e rebelëve Houthi në Jemen
Qeni sulmon për vdekje 53-vjeçarin në Angli
40% më shumë turistë në parqet arkeologjike të Vlorës
Spanjë/ Costa Blanca goditet nga thatësira, njerëzit qëndroj...