Për nder të rënies heroike të rreshterit të Policisë së Kosovës, Afrim Bunjaku, sot do të mbahet mbledhje komemorative .
Mbledhja komemorative do të mbahet në Amfiteatrin e Bibliotekës Qendrore Universitare të Universitetit të Prishtinës në ora 12:30, raporton Arbresh.info.
Kjo mbledhje do të mbahet nën patronatin e Ministrit të Ministrisë së Punëve të Brendshme dhe Drejtorit të Përgjithshëm të Policisë së Republikës së Kosovës.
“Nën patronatin e Ministrit të Ministrisë së Punëve të Brendshme dhe Drejtorit të Përgjithshëm të Policisë së Republikës së Kosovës, me rastin e rënies heroike në kryerje të detyrës në veri të Republikës së Kosovës, të rreshter Afrim Bunjaku, organizohet mbledhje komemorative, ku do të marrin pjesë familja e rreshter
Afrim Bunjakut, personalitetet më të larta vendore dhe ndërkombëtare si dhe eprorë e zyrtarë policorë”, thuhet në njoftim.
Ndryshe, rreshteri Afrim Bunjaku ra heroikisht të dielën ne mëngjes gjatë një përballje me bandat kriminale serbe në fshatin Banjskë të Zveçanit, ndërsa kolegu i tij, polici Alban Rashiti u plagos dhe dy të tjerë morën lëndime trupore.
Gjatë ditës së diele Policia e Kosovës rrethoi bandën kriminale serbe, duke vrarë tre nga sulmuesit serbë, ndërsa gjashtë të tjerë u arrestuan. /Arbresh.info/
LEXO EDHE
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...