Google ADS

Berisha dënon sulmin në veri: Autorët e këtij akti të përballen me ligjin

12:26 | 24 Shtator 2023
K.B

Ish-kryeministri i Shqipërisë, Sali Berisha ka reaguar pas sulmit në veri, ku një polic u vra e një tjetër mbeti i plagosur.

Berisha shprehi ngushëllime për familjen e policit të ndjerë, dhe uroi shërim sa më të shpejt për policin e plagosur.

“Banda kriminale serbe në Liposaviq kanë ekzekutuar me atentat një polic të Kosovës dhe plagosur një tjetër. Duke u përulur me nderim të thellë para sakrificës sublime të policit që ra në krye të detyrës dhe shprehur ngushëllimet më të ndjera familjes, miqve, të afërmve të tij, uroj shërim të shpejt të policit të plagosur”, ka shkruar Berisha.

Ai ka dënuar me forcën më të madhe këtë akt të shëmtuar, duke shtuar se uron që autorët e këtij akti të përballen me ligjin.

“Dënoj me forcën më të madhe këtë akt të shëmtuar kriminal, të frymëzuar dhe sponsorizuar nga ultranacionalistë në pushtet të Beogradit. Uroj që autorët e këtij akti të përballen me ligjin me të gjithë forcën e tij”, ka shkruar ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm