Google ADS

Vrasja e policit në veri, Kurti: Gjuajtjet po vazhdojnë ende – Krim i organizuar nga Beogradi

08:33 | 24 Shtator 2023
E.H

Kryeministri i Kosovës Albin Kurti, ka reaguar pas sulmit me armë zjarri ndaj Policisë së Kosovës në veri, ku një polic mbeti i vrarë dhe një tjetër i plagosur.

Kurti tha se vendin tonë po e sulmon krimi i organizuar me mbështetje politike, financiare dhe logjistike nga Beogradi, shkruan Arbresh.info.

Më tej ai bëri të ditur se ende po vazhdojnë gjuajtjet me armë zjarri të kalibrave të ndryshëm mbi policinë.

“Ne e dënojmë këtë sulm kriminal e terrorist. Krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë. Në këtë betejë ne mbrojmë dhe zbatojmë ligjin, mbrojmë dhe ruajmë qytetarët pa dallim dhe Kosovën e pavarur. Kriminelët ekzekutorë dhe urdhërdhënësit e tyre do të dështojnë, do të kapen, gjykohen e dënohen. Qeveria e Republikës së Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve, terrorit dhe terroristëve”, tha ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm