Kryetari i Prishtinës, Përparim Rama ka njoftuar se mbyllja e rrugës “Rexhep Luci”, do të shndërrohet në një park.
Rama tha se me mbylljen e kësaj rruge kishin synimet e qarta, të promovohet mjedisi, dhe të sigurohen më shumë hapësira të gjelbërta.
“Një hap i madh drejt një mjedisi më të pastër dhe një qyteti më të qetë. Me mbylljen e rrugës “Rexhep Luci” për qarkullimin e parkimin e veturave patëm një synim të qartë: të promovojmë mjedisin, të sigurojmë më shumë hapësira të gjelbëra dhe të krijojmë një qytet më të përshtatshëm për të gjithë banorët dhe këmbësorët”, ka shkruar Rama, përcjell Arbresh.info
I pari i Prishtinës tha se ky ndryshim do të sjell një rritje sigurie për këmbësorët, duke shtuar se do të shtohet zona e gjelbërimit për të kënaqur të gjithë këmbësorët dhe ata që zgjedhin të relaksohen në këtë zonë.
“Çfarë do të sjellë kjo ndryshim? Rritje e sigurisë për këmbësorët: Mbyllja e rrugës për veturat do ta bëjë më të sigurt për këmbësorët të ecin dhe të shijojnë këtë zonë pa stresin e trafikut. Më shumë hapësira të gjelbëra: Do të shtojmë zonën e gjelbërimit për të kënaqur të gjithë këmbësorët dhe ata që dëshirojnë të relaksohen në këtë zonë. Kjo do të përmirësojë cilësinë e jetës sonë dhe do të ndihmojë në mbrojtjen e mjedisit”, ka shkruar ai./Arbresh.info/
Izraeli nis hetimet pasi ushtarët e tij u filmuan duke hedhu...
Maqedonci krenar dhe i emocionuar me betimin e 20 kadetëve t...
Prishtina merr fitore të madhe ndaj Dukagjinit
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën