Arrestohen katër persona në Stacionin e Autobusëve në Prishtinë, kryen rreth 10 grabitje të armatosura

09:59 | 19 Shtator 2023
K.B

Policia e Kosovës ka arrestuar katër persona të dyshuar për disa grabitje të armatosura.

Në njoftim bëhet e ditur se hetuesit e Njësitit të hetimeve të Përgjithshme, kanë arrestuar katër persona të dyshuar për së paku dhjetë vepra grabitje të cilat janë kryer nën kërcënimin e armëve.

Personat e arrestuar dyshohet të jenë të përfshitë në rastet e grabitjeve, që kanë ndodhë në pompa derivatesh, markete kryesisht në rajonin e Prishtinës.

Personat e dyshuar:

• F.M, mashkull, 34 vjeç

• F.M, mashkull, 32 vjeç

• A.S, mashkull, 34 vjeç dhe

• XH.S, mashkull, 41 vjeç, janë arrestuar në Stacionin e Autobusëve, derisa po tentonin të largoheshin nga Kosova.

Personat e dyshuar pas intervistimit nga ana e hetuesve me vendim të prokurorit janë dërguar në mbajtje./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm