Google ADS

Një 62-vjeçar humb jetën në Suharekë pasi rrokulliset me traktor

23:21 | 18 Shtator 2023
E.G

Një 62 vjeçar ka humbur jetën në fshtin Budakovë të Suharekës, si pasojë e rrokullisjes me traktor.

Lajmin për Arbresh.info e ka konfirmuar zëdhënësi i Policisë për rajonin e Prizrenit, Shaqir Bytyqi.

Bytyqi ka bërë të ditur se rasti ka ndodhur rreth orës 16:42.

“Ju informojmë se me datë 18.09.2023, rreth orës 16:42 policia ka pranuar një informatë se në fshatin Budakovë, Suharekë, lagjia Kokollari një person është rrokullisur me traktor. 112 ka njoftuar emergjencën, ndërsa një patrullë policore ka shkuar në vendin e ngjarjes, e më pas në vendngjarje kanë shkuar edhe njësit tjera përgjegjëse. Nga emergjenca është njoftuar se viktima nga lëndimet e pësuara ka ndërruar jetë. Viktima është S. (I) K. I lindur ne vitin 1961.”, ka thënë Bytyqi.

Në lidhje me rastin është njoftuar edhe prokurori i shtetit i cili pas ekzaminimit fillestar në emergjencën mjekësore, ka urdhëruar që trupi i pa jetë të dërgohet në Institutin e Mjekësis Ligjore (IML) në Prishtinë.

Shpërndaje në rrjete sociale

Lajmet më të lexuara

Të ngjashme

Foto lajm