Osmani dhe USAID-i sot nënshkruajnë një marrëveshje në vlerë afro 35 milionë euro

07:16 | 15 Shtator 2023
K.B

Presidentja e vendit, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, do të nënshkruajnë një marrëveshje granti në vlerë prej 34.72 milionë euro.

Sipas presidencës, marrëveshja në vlerë mbi 34 milionë euro do të nënshkruhet në bazë të amendamentit numër 5 të marrëveshjes së grantit.

“Amendamenti nr.05 i marrëveshjes së grantit për objektivat zhvillimore do të nënshkruhet nga Presidentja Osmani në emër të Republikës së Kosovës dhe nga U.D drejtoresha e USAID Kerry Monaghan Hogler, në emër të USAID”, thuhet në njoftim.

Nënshkrimi i kësaj marrëveshje milionëshe do të bëhet në presidencë duke filluar nga ora 11:00./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm