Ushtruesi i detyrës së kryetarit të OVL të UÇK-së, Faton Klinaku ka ftuar qytetarët e Kosovës për protestë kundër Zyrës së Prokurorit të Specializuar në Hagë dhe EULEX-it.
Klinaku njofton se protesta do të mbahet nesër duke filluar nga ora 12:00, tek selia e tyre në Fushë Kosovë, shkruan Arbresh.info
Shkrimi i tij i plotë:
Jeni dëshmitarë që Zyra e Prokurorit të Specializuar në Hagë dhe EULEX-i janë, duke i shqetësuar familjet e bashkëluftëtarëve tanë dhe familjet e dëshmorëve, duke dërguar pa paralajmërim njerëz të panjohur e me kapela në kokë, për gjoja intervistime e duke ua konfiskuar edhe telefonat e tyre personal.
Kjo gjë kështu, siç po bëjnë këta të panjohur për ne, po bëhet në shtetin tonë sikur dikur në kohën e pushtuesit, dhe institucionet tona vetëm po heshtin.
Prandaj, duke pasur parasysh këtë, ne thërrasim protestë kundër ZPS-së dhe EULEX-it, te selia e tyre në Fushë Kosovë, nesër me datë 15 shtator 2023, ora 12:00.
Ju ftojmë që të merrni pjesë në protestë.
Zyrtarët e EULEX-it me urdhër të Prokurorisë së Dhomave të Specializuara të Kosovës në Hagë, kanë konfiskuar telefonin Arben Mustafës, vëllait të Salih Mustafës – Calit.
Lajmin për Arbresh.info e ka konfirmuar avokati i Mustafës, Betim Shala, i cili njoftoi se rasti ka ndodhur gjatë mesditës së djeshme rreth orës 16:00.
“Po është e vërtetë. Ka ndodhur dje rreth orës 16:00. Telefonin e ka konfiskuar policia e EULEX-it. Kjo është bërë me vendim të gjyqtarit të Gjykatës së Dhomave të Specializuara në Hagë”.
Sipas Shalës, për këtë aksion ekziston dyshimi për kryerjen e veprës penale ‘pengim i drejtësisë’.
“Ekziston dyshimi i kryerjes së veprës penale ‘pengim i drejtësisë’. Për momentin vetëm ky hap procedural është marrë, pra konfiskimi i telefonit”, tha Shala./Arbresh.info/
Hetimi i brendshëm konstaton mangësitë në atentatin ndaj Tru...
Begaj në Ditën e Paqes: Bota është trazuar në mungesë të saj
Sulmuan fizikisht zyrtarët policorë, arrestohen tre persona ...
Sekuestrohen barna pa banderola me vlerë 1500 euro, arrestoh...
Serbia përgatit 500 trupa për ndërhyrje në veri, Shala: Nuk ...
PSG refuzon t’i paguajë shifrën marramendëse Mbappes