Google ADS

I konfiskohet telefoni vëllait të Salih Mustafës, flet avokati i tij

21:39 | 13 Shtator 2023
E.G

I është konfiskuar telefoni vëllaut të Salih Mustafës (Calit), Arben Mustafës me urdhër të Prokurorisë së Dhomave të Specializuara të Kosovës në Hagë. Kjo është bërë nga ana e zyrtarëve të EULEX-it.

Lajmin për Arbresh.info e ka konfirmuar avokati i Mustafës, Betim Shala.

“Po është e vërtetë. Ka ndodhur sot rreth orës 16:00. Telefonin e ka konfiskuar policia e EULEX-it.  Kjo është bërë me vendim të gjyqtarit të Gjykatës së Dhomave të Specializuara në Hagë”.

Sipas tij, “ekziston dyshimi i kryerjes së veprës penale “pengim i drejtësisë”. Për momentin vetëm ky hap procedural është marrë, pra konfiskimi i telefonit”.

Gjykata Speciale e ka shpallur fajtor dhe ka dënuar Salih Mustafën me 26 vite burgim për krime lufte.

Kujtojmë që EULEX-i, mbrëmë i ka konfiskuar telefonin edhe ish -Komandantit të Zonës Operative të Llapit, Rrustem Mustafës – Remit./Arbresh.info

Lexo edhe:

Remi deklarohet pas lirimit, thotë se i është sekuestruar telefoni

 

Shpërndaje në rrjete sociale

Lajmet më të lexuara

Të ngjashme

Foto lajm