Kufoma “aliene” 1000-vjeçare iu prezantuan politikanëve meksikanë në Kongres të mërkurën.
Këta dy skelete të vegjël të ngjashëm me njeriun u gjetën nga Cusco, Peru dhe u prezantuan në Kongres, duke shkaktuar emocione në komunitetin e teoricienëve të konspiracionit të UFO-ve.
Ngjarja u drejtua nga gazetari dhe ufologu Jaime Maussan, i cili dëshmoi nën betim se këta dy trupa të mumifikuar nuk janë pjesë e “evolucionit tonë tokësor”, pasi, siç pretendoi ai, një e treta e ADN-së së tyre mbetet “e panjohur”, raportuan mediat meksikane.
Gjatë fjalimit të tij, Maussan u tregoi zyrtarëve amerikanë dhe anëtarëve të qeverisë meksikane video të ndryshme të “UFO-ve dhe fenomeneve të çuditshme të paidentifikuara” përpara se të zbulonte më në fund trupat e dyshuar të alienëve .
“Këto nuk janë pjesë e evolucionit tonë tokësor. Janë qenie që gjenden në mbeturinat e objekteve jashtëtokësore,” tha ai.
Maussan u tha të pranishmëve se dy mostrat u studiuan nga shkencëtarët në Universitetin Kombëtar Autonom të Meksikës (UNAM), të cilët nxorën prova të ADN-së duke përdorur datimin me radiokarbon. Pasi u bënë krahasime me mostrat e tjera të ADN-së, u zbulua se më shumë se 30% e ADN-së së mostrave ishte “e panjohur”, tha ai.
Scientists unveiling two alleged alien corpses took place in Mexico, which are retrieved from Cusco, Peru. pic.twitter.com/rjfz9IMf37
— Indian Tech & Infra (@IndianTechGuide) September 13, 2023
Gjatë bisedës së Maussan, u shfaqën edhe rreze X të trupave të dyshuar të alienëve, ku ekspertët dëshmuan nën betim se njëri prej trupave dukej se kishte “vezë” brenda tij, ndërsa u tha se “alienët” kishin implante të metaleve shumë të rralla, si p.sh. osmium.
Vlen të përmendet se Maussan është i njohur për pretendimet për zbulime “aliene” që më vonë u hodhën poshtë, duke përfshirë pesë mumie të gjetura në Peru në vitin 2017, të cilat më vonë rezultuan se ishin fëmijë të vdekur. /abcnews.al/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...