EULEX bastisë shtëpinë e dëshmorëve Fazliu, reagon Klinaku: ZPS janë të poshtër, meqenëse nuk ka shtet serioz

11:52 | 12 Shtator 2023
E.H

Policia e EULEX-it po bastisë banesën e dëshmorëve Fahri e Bahri Fazliu në ‘Kodrën e Diellit’ në Prishtinë.

Ndaj kësaj bastisje, ka reaguar ashpër kryetari i OVL-UÇK-së, Faton Klinaku duke thënë se zyra e Prokurorit Special në mungesë të fakteve po vazhdojnë me filmat e tyre, shkruan Arbresh.info.

Tutje ai thotë, se ZPS është e poshtër sepse sipas tij nuk ka shtet serioz

“Zyra e Prokurorit të Specializuar në Hagë, në mungesë të fakteve, vazhdojnë me filmat e tyre. Që në orët e para të mëngjesit të sotëm kanë filluar bastisjet e banesës së familjes së heronjve Fahri e Bahri Fazliu në ‘Kodrën e Diellit’ në Prishtinë. ZPS janë të poshtër, meqenëse nuk ka shtet serioz”, ka shkruar Klinaku në Facebook.

Kujtojmë se në orët e para të mëngjesit ka nisur bastisja në banesën e dëshmorëve Fahri e Bahri Fazliu.

Lajmin për Arbresh.info e ka konfirmuar nipi i dëshmorëve, Fahri Fazliu./Arbresh.info

LAJMI I FUNDIT/ EULEX-i bastisë banesën e familjes së dëshmorëve Fahri dhe Bahri Fazliu

Shpërndaje në rrjete sociale

Lajmet më të lexuara

Të ngjashme

Foto lajm