Gruaja që mbeti e plagosur nga gjuajtja me armë zjarri sot në Podujevë, po trajtohet në Qendrën Klinike Universitare të Kosovës (QKUK) në Prishtinë.
Kështu konfirmoi për Arbresh.info mjeku kujdestar i cili nuk pranoi të flasë rreth gjendjes shëndetësore të pacientes.
Nga ngjarja e rëndë që ka ndodhur sot në Podujevë, mbeti i vdekur Valmir Breznica, bashkëshorti i të plagosurës.
Arbresh.info mëson se pasi viktima bashkë me gruan e tij kanë hyrë në market, menjëherë kishte hyrë edhe i dyshuari, i cili ka shtënë me armë zjarri në drejtim viktimës dhe të gruas të tij, e cila mbeti e plagosur.
Ndërkohë Policia e Kosovës ka bërë të ditur se rreth orës 12:30, është raportuar për gjuajtje me armë zjarri, në rrugën “Zahir Pajaziti” në Podujevë”
“Aktualisht policia po vijon punën me veprime të ekzaminimit të vendngjarjes si dhe me veprime të tjera operativo-hetimore, me qëllim të zbardhjes së rrethanave të ngjarjes si dhe identifikimin e të dyshuarve”, tha zëdhënësi i Policisë së Kosovës për Rajonin e Prishtinës, Agron Borovci.
Ndërkaq, vetëm tani është bërë largimi i trupit të pajetë të Valmir Breznicës nga vendi i ngjarjes/Arbresh.info
Lexo edhe:
Largohet nga vendi i krimit trupi i pajetë i Valmir Breznicës që u vras sot në Podujevë
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban