I dërguari Special i Bashkimit Evropian  për dialogun Kosovë-Serbi, Miroslav Lajçak ka thënë se BE-ja është duke u përgatitur për takimin e nivelit të lartë në kuadër të dialogut, mes kryeministrit të Koosvës, Albin Kurti dhe presidentit të Serbisë, Aleksandër Vuçiq.

Lajçak me anë të një postimi në Facebook, ka thënë se po punohet që të arrihen rezultate pozitive nga ky proces, shkruan Arbresh.info.

“Përgatitjet për takimin e dialogut të nivelit të lartë më 14 shtator janë me shpejtësi të plotë dhe ne po punojmë drejt rezultateve pozitive”, ka shkruar ai.

Ndër të tjera, ai ka shkruar edhe për takimin me zëvendëskyrministrin, Besnik Bislimi.

“Diskutuam se si të avancojmë normalizimin e marrëdhënieve”, u shpreh ai.

Ndër të tjera, Lajçak u takua edhe me Artur Lorkoëski, Drejtor i Komunitetit të Energjisë, për të eksploruar fushat e mundshme të bashkëpunimit dhe për të folur për energjinë si pjesë e Dialogut.

“Me ekspertizën e tij unike, Komuniteti i Energjisë kontribuoi në Udhërrëfyesin e Energjisë, të cilin e miratuam në qershor të vitit të kaluar”.

Gjatë javës, Lajçak udhëtoi drejt Berlinit ku pati diskutime të rëndësishme në Kancelarinë dhe Ministrinë e Jashtme Federale Gjermane.

“U takova me drejtorin politik në Ministrinë e Jashtme Tjorven Bellmann dhe me Kryekëshilltarin e Politikës së Jashtme dhe Sigurisë të Kancelarit Gjerman Jens Plötner. Ne u fokusuam në gjendjen e lojës dhe irrituesit e mundshëm në Dialog, ndamë pritshmëritë tona për Takimin e Nivelit të Lartë dhe hartuam një strategji për rrugën përpara. Përkushtimi dhe mbështetja e fuqishme nga Gjermania vazhdojnë të jenë të paçmueshme”.

Pas kthimit në Bruksel të enjten mbrëma, u takua edhe me të dërguarin e Ballkanit Perëndimor Lord Peach.

‘Shkëmbyem mendime rreth zhvillimeve të fundit në rajon. Vlerësimi i Lord Peach për situatën e sigurisë si një ekspert me përvojë në atë fushë vlerësohet gjithmonë”./Arbresh.info