Rumania është njëri nga pesë shtetet e Bashkimit Evropian që nuk e njeh pavarësinë e Kosovës.
Megjithatë ky shtet është bërë një trampolinë për futbollistët kosovarë, pasi fillimisht Ermal Krasniqi e tani Albion Rrahmani janë transferuar nga kampionati ynë në atë rumun.
Sulmuesi llapjan, Albion Rrahmani e ka nisur në mënyrë perfekt aventurën te Rapidi i Bukureshtit, pasi në dy ndeshjet e para ka shënuar katër gola.
E falë paraqitjeve fantastike të Rrahmanit, flamuri i Kosovës po publikohet shpesh herë në faqen zyrtare të Rapidit të Bukureshtit.
Klubi i madh rumun tani ka publikuar disa foto të Rrahmanit në stërvitje me Përfaqësuesen e Kosovës, ku sulmuesi është ftuar për dy ndeshjet e muajit shtator.
Madje nofka që Albion Rrahmani e barte sa ishte në Kosovë si ‘Lewa’ ia kanë vazhduar edhe rumunët dhe këtë e ka publikuar Rapidi.
“Lewa në stërvitje”, ka shkruar Rapidi duke vendosur edhe flamurin e Kosovës në këtë postim.
Nuk është hera e parë kjo që skuadra rumune vendos flamurin e Kosovës në faqen e tyre, pasi edhe në postimet e mëhershme për Rrahmanin ka valëvitur flamuri ynë. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite