Fillon viti i ri shkollor, Prindërit: I gjithë procesi ka qenë me dilema të mëdha

10:12 | 1 Shtator 2023
K.B

Në të gjitha shkollat fillore dhe të mesme të Kosovës sot ka nisur viti i ri shkollor.

Ekipi i portalit Arbresh.info ka qëndruar sot në shkollën “Meto Bajraktari”, për të parë më afër fillimin e procesin mësimor në këtë shkollë.

Duke pyetur prindërit se a ka qenë e vështirë të aplikojnë në platformën E-Kosova për rimbursimin e librave, dy prej tyre thanë se për ta personalisht ka qenë e lehtë.

“Po ka qenë shumë e lehtë për me apliku nuk ka pas ndonjë vështirësi”, tha njëri prej tyre.

Kurse një tjetër u shpreh se në përgjithësi ky vit ka nisur me shqetësime të ndryshme nga prindërit.

“Po personalisht për mua nuk ka qenë ë vështirë, por në përgjithësi i gjithë procesi ka qenë me paqartësi dhe me dilema e pikëpyetje të mëdha. Te shumë prind ka shkaktu shqetësime të ndryshme, në përgjithësi ka qenë një proces në pikëpamjen time i keq administruar nga ministria përkatëse”, u shpreh ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm