Deputeti nga radhët e Lidhjes Demokratike të Kosovës, Avdullah Hoti ka thënë se këta demagogë duhet të heqin dorë nga dialogu për njohje reciproke.
“Këta demagogë heqin dorë nga dialogu për njohje reciproke, që kishte nisur në qeverinë paraprake në koordinim me aleatët, e që zhvillohej në Bruksel e Uashington”, ka shkruar ai në Facebook.
Tutje Hoti thotë se dialogun po e zhvillojnë skutave e në darka private, dhe se tash ankohen që aleatët po i kushtëzojnë proceset euro-integruese të Kosovës.
“Dialogun e zhvillojnë skutave, hoteleve të plazheve e në darka private. Arrijnë marrëveshje të përkohshme në villën e Titos në Ohër, ku marrin obligime për autonomi për serbët dhe zbatim të asociacionit, të cilin e kishin kundërshtuar dhunshëm, në këmbim të disa obligimeve gjysmake, abstrakte e të paverifikueshme që pala serbe duhet të përmbushë. E tash ankohen e “kërcënojnë” aleatët pse ata po i kushtëzojnë proceset euro-integruese të Kosovës me respektim të kësaj marrëveshje”, shkruan tutje deputeti.
Krejt në fund ai ka shkruar që shtetin e Kosovës e ruajt Zoti pasi zot shtëpie nuk ka momentalisht.
“Shtetin e Kosovës e ruajt Zoti, se zot shtëpie nuk ka momentalisht”, ka përfunduar ai./Arbresh.info/
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...
Një person në Shtime lëndohet me burgi derisa po punonte në ...