Presidentja e Kosovës, Vjosa Osmani ka pritur në takim lamtumirës drejtorin e zyrës së Fondacionit gjerman Friedrich-Ebert-Stiftung në Kosovë, Rene Schlee dhe në takim njoftues drejtorin e sapoemëruar, dr. Peter Hurrelbrink.
Osmani vlerësoi lartë kontributin e FES-it, në mbështetjen e vazhdueshme për institucionet e vendit, ngritjen e kapaciteteve dhe fuqizimin politik të të rinjve dhe grave, si dhe zbatimin e shumë programeve në dobi të qytetarëve të Kosovës, përcjell Arbresh.info.
Krahas kësaj, Presidentja Osmani falënderoi Schlee për bashkëpunimin e mirëfilltë ndërmjet Zyrës së Presidentes dhe zyrës së FES-it, në Kosovë gjatë edicionit të kaluar të Forumit ndërkombëtar për Gratë, Paqen dhe Sigurinë, bashkëpunim ky i cili u rikonfirmua për edicionin e sivjetshëm.
Duke shprehur mirënjohje për bashkëpunimin e vazhdueshëm me Zyrën e Presidentes, Schlee me këtë rast prezantoi Dr. Peter Hurrelbrink, drejtorin e ri të zyrës së FES-iz, në Kosovë.
Me këtë rast, të dyja palët shprehën gatishmërinë për vazhdimin e mëtejshëm të bashkëpunimit./Arbresh.info
Policia ende në kërkim të të dyshuarit për vrasjen e 42-vjeç...
Dy profesorë të UP-së, në top 2% të shkencëtarëve më të mirë...
Gara për drejtuesin e policisë, Hoxha: Procesi po monitorohe...
Kurti: Kosova një fener i demokracisë dhe të drejtave të nje...
Kurti viziton pavijonin e Kosovës në Bienalen e Venedikut
Policia në Gjilan ligjëron fëmijët për siguri në komunikacio...