Google ADS

Rusia thotë se ka penguar dy dronë amerikanë afër Krimesë

23:25 | 28 Gusht 2023
E.G

Moska se ngriti në ajër dy avionë luftarakë për të penguar dy dronë vëzhgues amerikanë afër Krimesë.
Ministria ruse e Mbrojtjes shkroi në Telegram më 28 gusht se mobilizoi dy avionët pasi “u detektua një fluturim në drejtim të kufirit shtetëror rus”.

Sipas ministrisë ruse, dy dronët amerikanë, një i llojit Reaper dhe tjetri Global Hawk, po “kryenin mision vëzhgues në rajonin e Gadishullit të Krimesë” afër Detit të Zi.

Moska aneksoi paligjshëm Gadishullin ukrainas të Krimesë më 2014.

Pas arritjes së avionëve rusë, dronët “ndryshuan drejtimin e fluturimit dhe u larguan nga zoan ku po kryenin misionin vëzhgues”, u tha në njoftimin e Ministrisë ruse të Mbrojtjes.

Muajve të fundit janë rritur incidentet ku kanë qenë të përfshirë avionët rusë dhe dronët amerikanë.

Më 27 gusht, Rusia tha se kishte ngritur në ajër një avion luftarak për të parandaluar një dron vëzhgues të ushtrisë amerikane që të kalonte kufijtë e saj mbi Detin e Zi./rel

Shpërndaje në rrjete sociale

Lajmet më të lexuara

Të ngjashme

Foto lajm