Dybala në dyshim për ndeshjen me Milanin

16:40 | 28 Gusht 2023
Orgesa Haziri

Raportime të shumta në Itali thonë se Paulo Dybala ka pësuar një lëndim të lehtë, por është ende në rrezik të mungojë në ndeshjen e së premtes në Serie A kundër Milanit.

Reprezentuesi argjentinas u lëndua në pjesën e dytë të humbjes 2-1 të Romës ndaj Hellas Verona të shtunën.

Corriere dello Sport dhe Calciomercato.com raportojnë se “La Joya” iu nënshtrua ekzaminimeve mjekësore të hënën në mëngjes.

Edhe pse rezultatet tregojnë se Dybala nuk ka pësuar një dëmtim të rëndë, sulmuesi mbetet në dyshime serioze për ndeshjen e radhës në Serie A kundër Milanit në Stadio Olimpico.

Sulmuesi argjentinas kishte humbur tashmë ndeshjen hapëse të Romës në Serie A kundër Salernitana për shkak të një pezullimi.

Sipas Il Corriere dello Sport, Dybala do të humbasë ndeshjen kundër Milanit më vonë këtë javë dhe do të kthehet në lojë pas pushimit ndërkombëtar.

Roma e Jose Mourinhos mori vetëm një pikë në dy ndeshjet e para të Serisë A kundër Salernitana dhe Verona./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm