Google ADS

Stuhia godet qytetin spanjoll të mbushur me pushues

23:38 | 27 Gusht 2023
Orgesa Haziri

Ishulli i Majorkës në Spanjë është goditur nga moti i keq këtë të diel, me shi të dendur e erë të fortë.

Mediat spanjolle raportojnë se shezlonget në plazhe kanë fluturuar në ajër duke lënduar edhe disa turistët, të cilët kanë braktisur menjëherë zonat bregdetare për të gjetur streha të sigurta.

Ndërkohë, si pasojë e erës së fortë, një kroçerë është shkëputur nga ankorimi dhe është përplasur me një anije mallrash gjatë stuhisë duke lënë disa turistë të lënduar lehtë.

Si pasojë e stuhisë, më shumë se 100 fluturime janë anuluar ose devijuar në Palma, Ibiza dhe në Menorca.

Megjithatë, kjo situatë pritet të përfundojë shpejtë dhe ishullit spanjoll t’i rikthehet moti normal me diel, për të cilin njihet edhe Majorka./A2/

Shpërndaje në rrjete sociale

Lajmet më të lexuara

Të ngjashme

Foto lajm