Aliu i Shtimës i uron mirëseardhje Atiqit, pas pranimit të Mitrovicës së Veriut në Asociacionin e Komunave të Kosovës

13:33 | 22 Gusht 2023
Pleurat Salihu

Ka reaguar kryetari i Shtimes, Qemajl Aliu, sot kur Mitrovica e Veriut është anëtarësuar në Asociacionin e Komunave të Kosovës.

Ai tha se kjo është ditë e rëndësishme për institucionet e Republikës së Kosovës.

“Kjo është ditë e rëndësishme për institucionet e Republikës së Kosovës ku në respektim të ligjshmërisë dhe kushtetutshmërisë, Komuna e Mitrovicës së Veriut u bë pjesë e Asociacionit të Komunave të Kosovës, ku bashkërisht punojmë dhe e ndihmojmë njëra-tjetrën”, ka shkruar Aliu.

Ai i ka ftuar edhe komunat tjera që nuk janë pjesë e Asociacionit, “të ndjekin shembullin e Mitrovicës së Veriut dhe kryetarut Atiq.

“Ftoj edhe komunat e tjera që ende nuk janë pjesë e ASK-së ta ndjekin shembullin e Mitrovicës së Veriut dhe Kryetarit Atiq, që ju urojmë suksese dhe punë të mbarë në të mirë të të gjithë qytetarëve të Republikës së Kosovës, të çdo etnie dhe pa asnjë dallim.”

Shpërndaje në rrjete sociale

Lajmet më të lexuara

Të ngjashme

Foto lajm