Google ADS

Maqedoni e Veriut/ Mickoski: Ndryshimet kushtetuese nuk kalojnë

18:48 | 19 Gusht 2023
Orgesa Haziri

Një ditë pas seancës ku u diskutuan ndryshimet kushtetuese, opozita maqedonase është e bindur se propozimi për të përfshirë bullgarët në Kushtetutë nuk do të kalojë në Kuvend.

Kreu i VMRO-DPMNE-së, vlerëson se, marrëveshja me Sofjen është e njëanshme dhe se ndryshimet kushtetuese, bëhen nën diktatin bullgar.

“Ne japim propozime gjatë gjithë kësaj periudhe dhe ata i hodhën poshtë të gjitha, me përrallën se, do të sigurojnë shumicë edhe pa ne, që pamë dje se si përfundoi”.

Por, për LSDM-në në pushtet, seanca parlamentare dëshmoi se ideologjia e vetme e opozitës është bllokimi dhe zvarritja e procesit të integrimit.

“Në seancën e djeshme pamë se, Mickoski është sikurse Nikolla Gruesvski. Edhe ai dëshiron ta tërheqë shtetin mbrapa edhe 11 vite për asgjë, vetëm për kolltukun e tij në pallatin e bardhë”.

Votimi i ndryshimeve kushtetuese në Maqedoninë e Veriut duhet të kalojë në tre etapa, dy prej të cilave kërkojnë shumicë të cilësuar prej 80 votash, të cilat shumica qeverisëse nuk i ka./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm