Operacioni “Goditja”: Brenda dhjetë ditëve arrestohen 122 persona dhe konfiskohen 43 armë

21:14 | 18 Gusht 2023
K.B

Policia e Kosovës ka njoftuar se përgjatë dhjetë ditëve, në zbatimin e planit operativ “Goditja”, ka arrestuar 122 persona, 38 nga ta me urdhër-arreste nga gjykata, ndërsa ka konfiskuar 43 armë.

Policia bën të ditur se ka realizuar 4 mijë e 402 pikë kontrolle në automjete ku 1 mijë e 314 prej tyre më radarë dhe alkool test.

Nga ky operacion, Policia ka njoftuar gjithashtu se gjatë kësaj kohe ka kontrolluar 25 mijë e 323 vetura si dhe 353 lokale.

Tutje në njoftim bëhet e ditur se edhe gjatë ditëve në vazhdim do të vazhdojë plani operativ në fjalë si dhe aktivitetet tjera të policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm