Komuna e Prishtinës me njoftim për taksitë e parkuar në fillim të bulevardit “Xhorxh Bush”

18:08 | 16 Gusht 2023
E.G

Komuna e Prishtinës ka njoftuar se brenda kësaj jave do të rezervohen 10 vende për parkim të taxi-ve në rrugën “Garibaldi” në Prishtinë.

Kjo pasiqë  bulevardi “Xhorxh Bush” është mbyllur për shkak të Tregut “Akull n’Verë”, shkruan Arbresh.info.

“Të nderuar taksistë të cilët keni parkuar veturat në fillim të bulevardit “Xhorxh Bush”, Pasi është mbyllur ky bulevard për shkak të Tregut “Akull n’Verë”, brenda javës me vendim të Kryeqytetit do të rezervohen 10 vende për parkim të TAXI-ve, në shirit të veçantë përgjatë rrugës “Garibaldi” në Prishtinë.”, thuhet në njoftimin e Komunës.

Sipas njoftimit, ky vendim do të jetë afatshkurtër deri në nisjen e zbatimit të rregullores së re.

Tutje, Komuna bën të ditur se pasi të përfundojë projekti i kësaj rruge për parking, do të bëhet thirrja për aplikim nga AUTO TAXI-t me leje për këto vende, sipas rregullores./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm