Barcelona ka shpallur ish-mesfushorin Deco si drejtor të ri sportiv dhe bashkë me të edhe largimin e drejtorit të futbollit Mateu Alemany.
Deco, i cili thuhet se kishte punuar në rolin e tij aktual për tre muajt e fundit, u konfirmua zyrtarisht si Drejtori i ri Sportiv i Barcelonës për një periudhë trevjeçare që e sheh atë të zëvendësojë Jordi Cruyff, i cili u largua nga pozicioni i tij në maj.
Pas Cruyff do të largohet edhe Alemany. Ish-drejtori sportiv i Valencias ka pranuar të largohet nga klubi në fund të afatit kalimtar më 2 shtator.
Alemany do të punojë me Decon për pjesën e mbetur të afatit kalimtar, por jo më shumë.
“FC Barcelona dhe Anderson Luis de Souza “Deco” kanë arritur një marrëveshje në lidhje me bashkimin e tij në klub”.
“Lojtari i ekipit të parë midis viteve 2004 dhe 2008 nënshkroi një kontratë si drejtor sportiv në klub për tre sezonet e ardhshme”.
“Deco do të jetë përgjegjës për përcaktimin e filozofisë sportive të FC Barcelona dhe për të bashkuar skuadrën me trajnerin dhe do të bëhet shef i seksionit të futbollit”, thuhet në njoftimin e Barcelonës./Telegrafi/
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...