Google ADS

Zbulohet plantacioni i madh i drogës mes pyjeve në Itali, arrestohet i riu shqiptar

12:03 | 14 Gusht 2023
E.G

Një plantacion i madh marihuane është gjetur nga Karabinierët në zonën e San Donato di Ninea, në Itali.

Zbulimi u bë me mbështetjen e skuadrës së helikopterëve, të cilët e evidentuan plantacionin e drogës në një zonë të pyllëzuar.

Në total u gjetën 2492 bimë kanabisi me lartësi nga 60 deri ne 180 cm, të shpërndara në disa tarraca dhe me një sistem vaditjeje artizanale të mirëmenduar të lidhur direkt me një burim uji.

Pasi zbuluan plantacionin, karabinierët italianë ndenjën në pritje për ditë të tëra me qëllim që të arrestonin personat e përfshirë.

Në flagrancë u arrestua një 33-vjeçar me origjinë shqiptare, i cili u shfaq mes pemëve të larta për të shkuar drejt vendit ku kultivoheshin lëndët narkotike.

Mediat italiane shkruajnë se aktiviteti hetimor do të vijojë për të zbuluar përfshirjen e personave të tjerë si dhe tregun ku do të tregtohej lënda narkotike./euronews.al

Shpërndaje në rrjete sociale

Lajmet më të lexuara

Të ngjashme

Foto lajm