Ministri i Mbrojtjes në Shqipëri, Niko Peleshi, përmes një postimi në Facebook, ka njoftuar se një kontingjent i Shqipërisë i është bashkuar misionit të KFOR-it në Kosovë, përcjell Arbresh.info.
Peleshi thotë se pjesëmarrja e tyre në këtë mision të NATO-s, e tregon vendosmërinë e Shqipërisë për të mbrojtur paqen në rajon.
“Një tjetër kontingjent, i bashkohet misionit të KFOR, në Kosovë, duke e shtuar edhe më shumë kontributin e Shqipërisë në Aleancë. Pjesëmarrja jonë në këtë mision të NATO-s, është një tregues i qartë i vendosmërisë së Shqipërisë për të ndihmuar dhe mbrojtur paqen në rajon”, ka njoftuar Peleshi.
Tutje Pelesh, thotë se forcat e tyre të armatosura janë gati të shërbejnë përkrah kolegëve ndërkombëtarë.
“Duke njohur rëndësinë e madhe të KFOR, për Kosovën dhe Ballkanin Perëndimor, Forcat tona të Armatosura janë gati të shërbejnë përkrah kolegëve të tyre ndërkombëtarë duke konfirmuar rolin tonë si eksportues të paqes dhe sigurisë globale”, shkroi Peleshi./Arbresh.info/
Nisin homazhet për Gerti Bogdanin në ambientet e parlamentit
Me kërkesë të tij, i hiqen masat mbrojtëse dëshmitarit Halim...
Izraeli zhvendos vëmendjen kah Libani dhe Hezbollahu
Röpke: BE s’mund të zhgënjejë më vendet e Ballkanit, d...
Rama në Bruksel: Së shpejti krijojmë Komitetin e Përbashkët ...
Sekuestrohen katër armë zjarri në Breznicë të Obiliqit, arre...