Pacolli mbështet dënimin e mërgimtarit që kërcënoi Hotin

16:56 | 8 Gusht 2023
E.K

Ish-presidenti i Kosovës, Behgjet Pacolli, ka reaguar pasi Gjykata Themelore e Prishtinës e ka dënuar sot me 2 mijë euro gjobë të akuzuarin Reshat Sadiku, mërgimtar me banim në Gjermani, për kanosjen e deputetit nga radhët e Lidhjes Demokratike të Kosovës, Avdullah Hotin, përcjell Arbresh.info.

Pacolli e ka cilësuar këtë vendim si të drejtë, derisa ka thënë se shpreson të shërbejë si paralajmërim për të gjithë ata “për të gjithë ata, injorantë, të paturpshëm e gojëndyer që, pa asnjë arsye  fyejnë, shajnë e  kërcënojnë njerëzit.”.

“Vendimi i sotëm ishte korrekt! Ky nuk është vetëm një gjykim në favor të drejtësisë së zotit Avdullah Hoti, por shpresoj të shërbejë si një paralajmërim për të gjithë ata, injorantë, të paturpshëm e gojëndyer që, pa asnjë arsye fyejnë, shajnë e kërcënojnë njerëzit.
Vendim shumë i drejtë!”, shkroi Pacolli në Facebook.

Shpërndaje në rrjete sociale

Lajmet më të lexuara

Të ngjashme

Foto lajm