Google ADS

U aksidentua dy javë më parë, vdes në QKUK 23-vjeçari nga Gjilani

09:57 | 8 Gusht 2023
Diellza Gashi

Një person ka vdekur në Qendrën Klinike Universitare të Kosovës (QKUK).

Këtë e bëri të ditur për Arbresh.info zëdhënësi i Policisë për rajonin e Gjilanit, Valon Osmani.

Ai ka thënë se 23-vjecari me inicialet Q.L gjatë ditës së djeshme ka ndërruar jetë, ky i fundit kishte bërë aksident trafiku me datën 22.07.2023, i cili ka ndodhur në fshatin Goshicë në Komunën e Vitisë.

“Drejtuesi i njërit automjet pas trajtimit në shtëpinë e shëndetit në Viti ishte liruar për në shtëpi, ndërsa drejtuesi i automjetit tjetër pas marrjes së ndihmës së parë në qendrën emergjente në spitalin rajonal të Gjilanit ishte dërguar për trajtim të mëtejmë në Qendrën klinike universitare në Prishtinë”, tha ai.

Me urdhër të prokurorit të shtetit trupi i pajetë është dërguar në institutin e mjekësisë ligjore për obduksion./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm