Policia Rajonale e Ferizajt ka njoftuar se ka arrestuar dy persona për aksidentit në fshatin Loshkobare të Ferizajt dhe largimin nga vendi i ngjarjes në vitin 2021, ku si pasojë e lëndimeve ka vdekur një 60 vjeçar.
Sipas njoftimit të Policisë, lidhur me rastin është arrestuar edhe pasagjeri, shkruan Arbresh.info.
Të dyshuarit, pas intervistimit me vendim të prokurorit të rastit janë ndaluar për 48 orë, bën të ditur Policia përmes njoftimit.
“Mbi bazën e disa informacioneve të pranuara, policët hetues kanë arritur që të identifikojnë veturën BMW dhe sot me datën 03.08.2023 kanë arrestuar të dyshuarin ( shoferin) I.J ( M/K) i moshës 21 vjeçar, i cili dyshohet se me datën 31.10.2021 në fshatin Loshkobare të Ferizajt ka shkaktuar aksident komunikacioni dhe është larguar nga vendi i ngjarjes. Gjithashtu me këtë rast është arrestuar edhe pasagjeri i veturës BMW, i dyshuari R.B ( M/K) i moshës 21 vjeçar .”, thuhet në njoftimin e Policisë.
Në kërkim janë edhe dy persona të tjerë të cilët dyshohet të kenë qenë pasagjerë në veturë, persona këta të njohur tashmë për policinë./Arbresh.info
Odegaard do të humb nëntë ndeshje pas lëndimit
Aliu: Kosova synon të lidhë rrjetin hekurudhor me atë evropi...
Osmani në Akademinë e famshme ushtarake amerikane West Point...
Kryeziu: Qeveria po punon për zhbllokimin e CEFTA-s
Kurti e akuzon Perëndimin se po e “përkëdhel” Serbinë
Tiranë: Gruaja tenton të rrëmbejë 2-vjeçaren, arrestohet