Google ADS

Zbulohet ‘plani djallëzor’ i Real Madridit për transferimin e Mbappes

19:48 | 2 Gusht 2023
KRG

Real Madridi do të presë deri më 31 gusht për të bërë ofertën e parë për Kylian Mbappen, sipas asaj që raporton El Debate.

Oferta do të jetë shumë e ulët dhe fyese për Paris Saint-Germain, që me siguri do ta refuzojë atë.

Megjithatë, plani është që të bëhet oferta për të vërtetuar se Real Madrid u përpoq të transferonte Mbappen dhe t’i lihet faji PSG-së se nuk dëshritonte ta shiste lojtarin që mund ta lë në bankinë.

Nëse kjo ndodh, Mbappe nuk do të luajë për Real Madridin sezonin e ardhshëm.

PSG ka kërcënuar se do ta padisë Madridin në FIFA për arritjen e një marrëveshjeje për të nënshkruar me Mbappe falas vitin e ardhshëm.

Në vitin 2021, klubi spanjoll bëri tri oferta për francezin, të cilat u refuzuan të gjitha nga PSG. Secila nga ato oferta ishte mbi 180 milionë euro.

Po bëhet e qartë se Florentino Perez nuk është i interesuar për një tjetër sagë transferimi me PSG-në këtë vit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm