Google ADS

Van Dijk pas humbjes kundër Bayernit: Ende kemi shumë për të punuar

17:40 | 2 Gusht 2023
Orgesa Haziri

Kapiteni i Liverpool-it, Virgil van Dijk, ka pranuar se ka “ende punë për të bërë” përpara se të fillojë sezoni pas humbjes 4-3 të klubit ndaj Bayern Munichut.

Reds morën epërsi me dy gola në ndeshjen parasezonale në Singapor, me Cody Gakpo dhe Van Dijk që gjetën portën, transmeton Arbresh.info.

Serge Gnabry dhe Leroy Sane i barazuan gjërat për Bayernin, vetëm që Luis Diaz të rikthejë epërsinë.

Por Josip Stanisic barazoi dhe Frans Kratzig shënoi një fitore dramatike në minutën e 91-të.

“[Ka] shumë gjëra të mira dhe gjëra që duhet të përmirësojmë. Ata [Bayerni] janë një kundërshtar shumë i mirë dhe të ndëshkojnë nëse nuk je në të për një sekondë – kjo është ajo që ndodhi sot. [Ka] ende punë për të bërë – dhe kjo është ajo që ne do të bëjmë”, ka thënë ai.

Liverpooli ka shënuar 15 gola në katër ndeshje para-sezonale, por ka pranuar 10 ndërsa vazhdojnë kërkimin e tyre për një mesfushor mbrojtës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm