Fiton Partizani, kalon në raundin e tretë të Conference League

23:20 | 1 Gusht 2023
Orgesa Haziri

Partizani me një fitore bindëse ka siguruar kalimin për në raundin e tretë kualifikues të Conference League.

Tedi Cara shënoi dy gola në fitoren 3-0 përballë Atletik d’Escaldes dhe asistoi tek goli i sigurisë për Rrapaj, për të kaluar kampionët e Shqipërisë në raundin e radhës të këtij kompeticionit.

Partizani kalon më tej me shifrat e përgjithshme 4-0, pasi edhe takimin e parë e kishte fituar me shifrat 1-0.

Në turin e tretë të Conference League, Partizani do të sfidojë Valmjera.

Letonezët nuk hasën aspak vështirësi përballë kundërshtarit nga San Marino, Tre Pene, duke triumfuar edhe në takimin e kthimit me shifrat e thella 7-0.

Valmiera kalon më tej me rezultatin e përgjithshëm 10-0. Përballjet do luhen më 10 dhe 17 Gusht./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm