Google ADS

Abbott i quan të papranueshme kërcënimet ndaj policëve serb

16:15 | 26 Korrik 2023
E.H

Ambasadori i Britanisë së Madhe, Nicholas Abbott është shprehur i shqetësuar për kërcënimet që kanë marrë policët e Kosovës të komunitetit serb, duke i quajtur ato të papranueshme.

Me anë të një postimi në rrjetin social Facebook, Abbott ka theksuar se është e rëndësishme që Policia e Kosovës të jetë në gjendje të ju shërbej të gjitha komuniteteve, përcjell Arbresh.info.

“I ndaj plotësisht këto shqetësime. Është e rëndësishme që Policia e Kosovës të reflektojë diversitetin e Kosovës dhe të jetë në gjendje t’u shërbejë të gjitha komuniteteve. Frikësimet dhe kërcënimet ndaj atyre që duan të kontribuojnë për shtetin e tyre, janë të papranueshme”, ka shkruar ai.

Kujtojmë se, 72 polic të rinj prej tyre 45 të komunitetit serb kanë nisur punën në veri të vendit.

Ndaj pjesëtarëve serb, ka nisur një fushatë linçuese në rrjetet sociale nga përdoruesit serb.

Ndaj këtyre veprimeve, ka reaguar edhe krerët institucional dhe ndërkombëtar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm