Google ADS

FHK e vlerëson kontributin e Mulliqit për hendbollin kosovar

07:56 | 26 Korrik 2023
K.B

Me vdekjen e Haqif Mulliqit, familja kosovare e hendbollit ka mbetur pa një anëtar të rëndësishm, ka vlerësuar Federata e Hendbollit e Kosovës.

Gazetari, dramaturgu dhe profesori i njohur kosovar ka vdekur të martën.

“Të martën ka ndërruar jetë Haqif Mulliqi, një personalitet i rrallë që ka lënë gjurmë në shumë fusha. Pos si profesor e dramaturg, i ndjeri Mulliqi është shquar edhe si hendbollist. Ai ishte lojtar i dalluar në skuadrën e Prishtinës, ndërsa më pas edhe përkrahës i madh i e vazhdueshëm i gjithë hendbollit kosovar. Me vdekjen e profesor Mulliqit, familja kosovare e hendbollit ka mbetur pa një anëtar të rëndësishm”, ka shkruar FHK.

Mulliqin e ka vlerësuar kryetari i i FHK-së, Eugen Saraçini.

“Kontributi i tij për sportin tonë dhe për Kosovën në përgjithësi do të kujtohet gjithnjë. Ju keni humbur një anëtar të familjes, por edhe Federata jonë dhe i gjithë komuniteti i hendbollit kosovar ka mbetur pa një anëtar të rëndësishëm”, ka thënë ai./rtk

Shpërndaje në rrjete sociale

Lajmet më të lexuara

Të ngjashme

Foto lajm